Käbirleri

Saňa görenleriň görmediň diýer,
görmedigiň gördüň diýer käbiri,
diýeniňe diýer asla diýmediň,
diýmedigiň diýdiň diýer ant içip,
hemem olar aýdanyny aýdan däl,
aýtmadygyn aýdandyrlar, wagt geçip,
eden işin eden däldir hiç biri,
etmedgin bolsa edendir, bilseň,
eşideniň eşitmedik sen ýene,
eşitmedik zadyň eşiden, bilýän,
diri bolsaň, her gün ýüz-gözüň gülse,
olar diýmez saňa, şükür, dogulýaň,
diýerler ýagdaýyň gowy däl, ölýäň.