Päl howpy

Pyşyrdardy adam pahyr, ýadymda,
bary-ýogy bir ýöňkeme üýtgedip:
päliň bolsun ýoldaşyň, heý,
pälim bolsun ýoldaşym, waý,
diýerdi ol gargaýan dek birine,
ýa-da alkyş okaýan dek, belki-de,
diýmek päliň, niýet nämede bolsa,
bolmaly ol seniň bilen bakyýa,
şonuň üçin, belki, gargyş gerek däl,
ýa owadan alkyş gerek däl başga,
adam öz pälinden gutulmaz gaçyp,
her gün bet niýetden durmasa daşda.