Hukuk döwleti

Uly ýolda polis saklady bir gün,
adam diýdi näme günäm bar meniň?
Seniň günäň – meniň çagalarym bar,
geýdirmeli, iýdirmeli bol-elin,
aýlyk bilen, bilýäň, bolanok bular,
üstesine jaý salamly gowurak,
hakymy ber, git ýoluňa, bermeseň,
durmuş şeýle, men başlygyň, sen - durak!

Meniňem çagam bar, ýalbardy adam,
bol-elin däl, zordan çöregim tapýan,
talamaň-a dogan, hökümet bolup...
Dur, dur indi, agraltma-da günäňi,
şu atan töhmetiň muzduny töle!
Wah, ýene ýalňyşdym, näçe bolýar ol,
Başlyk bilen bölüşmeli, bir göle!