Adam we 'men' problemasy

Adama 'men' gerek diňe,
göze ilmek gerek, belki,
müň mesele bolsun çigşen,
geregi ýok hiç biriniň,
eger biri çözjek bolsa,
ýa agzasa meseläni
alyp gaçmak gerek ony,
bu meniňki, men gozgadym,
men gygyrdym ilden ilki,
diýmek gerek döşe kakyp,
bukulyp däl, orta çykyp,
adama şer gerek diňe,
gerek ýykar derek, seni,
meni, ony, ulus ili,
adama at gerek diňe,
ertir näme bolsa bolsun,
adama zat gerek diňe,
asman insin, ýer çöwrülsin.