At göçümi

Adam saňa, içýän bolsa, iç diýer,
ýa bir ýerden geçýän bolsa, geç diýer,
ýa-da galsa gara günde gargynyp,
göçýän bolsaň, nämä gerek göç diýer,
çek diýer ol çekýän bolsa erbedin,
çök diýer ol, çöken bolsa batgada,
azýaň diýer ýüzüň ýerden galdyrsaň,
ýa tök diýer aşak baksaň utanyp,
bu bilinýän, geçilen ýol bireýýäm,
geçmedikler kän aldyrar atyny,
diýip bilmän näme diýýäň?!.