Pikir etme, tötänlikdir...

Always be a poet, even in prose. Charles Baudelaire

Pikir etme, tötänlikdir geleniň,
pikiri etme, tötänlikdir öleniň
ýa-da ölmän zyndanynda KGB-äň,
birki gezek aman-esen galanyň,
gutulanyň zäherlände hökümet,
duzak gurup duzuň iýen bilen,
pikir etme, tötänlikdir duşmanlar,
ýa puşmanlar, ak gijeler Bergende,
dik oturyp, ýatyp bilmän çekilen,
soňra lakam bilen pitçiň atýanlar,
ýa-da açyk, ady bilen nadara,
garalajak bolýan tämiz adyňy,
pikir etme, tötänlikdir, hiç haçan
hiç zat bolmaz bir sebäbi bolmasa,
sen söýene minnetdar bol,
minnetdar bol sögenlere has beter,
gahar erme eger-eger,
uly, kiçi öýke-kine saklama,
kimem bolsa, aman gezin, ýaşasyn,
sebäbi bu açyk, aýdyň, jedelsiz,
eder-eder, her kim özüne eder,
üstesine alamaty, nyşany,
betpäl senden edýär heder,
hemem sapak berýär alla,
ýa-da hudaý, ýa ýaradan, gök taňry,
diýýän ýaly azap etme,
hiç azaba degmejege,
agyrmasyn ýürek-bagryň,
dökme nähak gözýaşyňy,
pikir etme, tötänlikdir bileniň,
kim we näme awy etjek aşyňy!

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2021