Günäkär howpy

Öz-özüni duýýan günäkär, asy,
seni asy etjek bolar el-aýak,
a ýalançy diýer saňa ýalançy,
urduň diýer döwüp depäňde taýak.

Duzuň iýip satan, satjak mugtuna,
dönük diýip gürrüň eder her ýerde,
öz-özüne ynanmaýan agtaryp,
tapjak bolar aljak keseliň, derdiň.

Seret, diňle sözüni däl, ýüregin,
aýdar adam, gizläp bilmez niýetin;
çekeräk dur çukuryndan gazýanyň,
goý oduny ot ýakana görnetin.