Aňsat etseň

Ynanma hudaýdan çekin diýseler,
ýa diýseler elheder et alladan,
sebäbi diýýänler çekinýän däldir,
iki-ýeke, sadaragy bolmasa,
alla bilen ara girmez ak pälli,
adam ogly açar özün dil bilen,
emmä käte düşünersiň awunyp,
alla, hudaý deň bolmaýar öňýeten
asy bilen, iki günlük, geçegçi,
öldürse-de ýüzläp, müňläp jandary,
adamlaryň özi çäre görmese,
diýmek, taňry gorkuly däl hiç haçan,
bilýär muny hemme kowalan, gaçan,
dilde hudaý, alla diýýän suwjaryp,
hatarlydyr ýaradandan müň esse,
alla däl hiç, adam ogly heläklär,
aňsat etseň, eli ýetse.