Milli duşmançylyk
Я была тогда с моим народом, Там, где мой народ, к несчастью, был. Анна Ахматова
Gemirmeli bolsa birek-biregi,
ýa başyny iýişmekde başlynyň,
aýagyny köwüşmekde duranyň,
ýa durjak bolýanyň aýak üstünde,
ýok bolsa-da ýeter, tapylar ildeş,
iliň ogly bolan bolup oýnaýan,
ýüz ýaşasaň, ýüz on ýyllap azyndan,
ýeke-ýalňyz, öz günüňe goýmaýan,
emma egni egne bermeli bolsa,
birleşmeli bolsa, durmaly bolsa,
birisi däl, ikisi däl, il üçin,
bar bolsa-da, sesi çykmaz kimsäniň,
parhy bolmaz gutaranda adamlar,
iki milýon, üç ýüz milýon ýa käniň.