Adamyň şeri

Adam hiç zat öwrenmeýär durmuşdan,
hudaý uran bolsa, aýdylşy ýaly,
gözlemeýär ol özünden ýalňyşy,
gözlemeýär ol pälinden ýalňyşy,
niýetinden yzlamaýar sebäbi,
özgelerden, başga ýerden gözleýär,
tapýar hemem soňsuz düzedýär ony,
adamyň ýalňyşy şu ýerde, meger,
ol özüne pursat tapman ýaşaýar,
özgelere, ýat-ýakyna, bigänä,
bermesize berip artykmaç deger,
unudýar ol özün çopan goşunda,
ýa-da başga, ilki düşlän ýerinde,
hemem galýar çykyp bilmän wagtynda,
öz ösdüren, öz örňeden şerinde.