Kanun, ogrular, alla, ajap eýýam we il
I'm so tired of waiting, aren't you, for the world to become good and beautiful and kind? Langston Hughes
Kanun bolsa, bozup bolsa kanuny,
hem aşakdan, hem ýokardan, garawsyz,
ýagny saýlaw bolsa, netijesini
ýazyp bolsa isleýşi dek ogrynyň,
diňe ses däl, gelejegi ogurlan,
ogurlany üçin başgalardan kän,
soň düzeden Baş kanuny, esasy
düzgünleri, belki, üýtgedip soňsuz,
gowy bolar ýaly özüne has-da,
dinler ýaly, azat edýärin diýip,
eder beter iki ýüzli hem hassa,
sen garaşsaň, ajap eýýam gelmese,
ogry ölse, onuň ýoly ölmese,
ýa-da beter bolsa gidenden gelen,
alla bardyr, garaş diýer bimessep,
ýogsa biler hiç kim gelmez geçidi,
ýa içidi bejermäge, gurmaga,
harap bolar il-ulusyň ahwaly,
il bolmasa özi üçin durmaga...