Ýoldaşyň garga bolsa...

Belki, seniň gelen ýeriň möhüm däl,
ýa eglenen dereleriň, şäheriň,
ýa-da barýan, barjak ýeriň ahyry,
sebäbi adamlar bir ýerden geler,
bir ýerde säginer, çaý-çörek iýip,
soňra ýene dowam eder ýoluny,
emma möhüm barýan wagtyň, oýlansaň,
ýa dynjyňy alýan wagtyň azajyk,
soňra ýoluň dowam etseň, etmeseň,
kim ýanyňda, ýoldaş bolan, ugradan,
pikirdeşiň, pikirdeş däl, duşmanyň,
kim öldürjek seni kem-kem zäherläp,
a kim gaýgy etjek saglygyň, janyň?