Şygyr ölse

Şygyr ölýär, goşgy ölýär dýidiler,
ýylgyrdylar, ýok olary okajak,
ýa gül berjek goçak-goçak,
ol ozallar bolşy ýaly,
ellerin galgadyp, goşgy okasa,
şahyr bolsa apalap,
indi asla okaýan ýok ýa-da az,
ýa-da kyssa, ertekijik okarlar,
çagalary bilen, ýatyrjak bolup,
sebäbi erteki güýmeýär biraz,
a goşguçy, şahyrsumak, akyldar,
oýlandyrjak bolýar adamy, akmak,
şonuň üçin okaýan ýok olary,
diýmeli olara asmana däl-de,
gerek size ýere bakmak!

Bu, meger, hemişe şeýle bolupdyr,
ýöne şygyr ölýän bolsa has bu gün,
ýa bolmasa ony okajak asla,
ýa az bolsa okasa-da düşünjek,
meger, ölýär has uly zat goşgudan,
gülmeli däl muňa, etmeli ünji.

Sebäbi ahyry ýok bolsa şygyr,
başga zatlar has köpelip almaga,
ýa wagtyňy geçirmäge şadyýan,
ýuwaş-ýuwaş boşar adamyň kalby,
a soň olar alyp alýan zatlaryn,
öňküsi dek lezzet alyp bilmezler,
hem köpeler hemme zady bar emma,
içinden hiç ýüzi-gözi gülmezler.