Görgüli

Akyldarlar aýdanmyşyn döwletler
daşyndan däl, ýykylarlar içinden,
emma daşdan gelen itişer soňra,
iki-ýeke diwarlaryn ýykýanyň
öz döwletin bilip, bilmedik bolup,
köpler galar harabanyň astynda,
a az-owlak, emel ýeten, akylly,
köşk gurunan urup-çapyp wagtynda,
biznes edip, bolan pully,
günäkärlär aýdan bolsa aýbyny,
diňe ýurdy, döwletleri däl uly,
adamy ýykarlar daşdan däl, içden,
ynamyny, hem özüne, hem ile,
ýa din bilen, ýa-da dinsiz ogurlap,
näme boldy, bilip bilmez görgüli.