Milli talaňçylyk

Seniň hiç bir doganyň ýa
doganoglan, dolananyň,
çykanyň ýa daýy-ýegen,
bir goldawçyň ýokdur, garşy
çyksaň halkyň talaňyna,
ogrulara uly, kiçi,
gelejegi iýýän üýşüp,
hala huş bil, hala düýşüň,
sebäbi ýurt ýeke bolup,
iki bolup talanmaýar,
o birleri depä galyp,
o birine şarpyk çalyp,
talanýar ol köplük bilen,
hatda seniň doganlaryň,
doganoglan, dolananyň,
çykanyň ýa daýy, ýegen,
dymyp asla mugtuna däl,
az ýa-da kän paýyn alyp.