Senet we semeni

Setirleriň hassa halka,
öz-özüni zäherleýän,
bir-birinden görýän ýeri
gatadykça soňy gelmän,
gahar edýän bir-birine,
çekinmese äsgermeýän,
derman bolsun, awy däl hiç,
galat etse, galat diý täk,
saklajak bol galat ýoldan,
bolsa dilde çalaja güýç,
galat bilen bolma galat,
galat ýykar ir ýa-da giç.

Diňe gyryp daşardan däl,
ýarag çekip gözi ganly,
ýa-da urup basyp alan
depesinden ýüz on ýyllap,
ýykmaz ili hassa edip,
ýykylar ol öz içinden,
özi bolup basyp alan,
öz-özüne duşman, belki,
emel ýetse iki günlük,
bir-birini ezer soňsuz,
bir-birine atar töhmet,
ýöne öwer özüne bap,
aňyrsy boş janawary,
ýansaň, ýazsaň, düşme aşak,
beýleki ýol agyr, aryp,
bolma bagşy her üýşene,
senediň semenä garyp...