Söýeg krizisi

Gahar etseň, çydap bilmän gygyrsaň,
adalatsyz diýip bu bolýan zatlar,
mysal üçin, diplom alan hukukçy,
kanuny goraýan kagyz ýüzünde,
ýa deputat, kanunlary çykarýan,
emma işi adamlary maýyrmak,
ýary-ýardan, mydaryndan aýyrmak,
ogul-gyzy ýetim goýmak agladyp,
ýykmak bolsa tünek goýman dik duran,
naçarlary çörek üçin ylgadyp,
türmeden geçirip, talap milleti,
gygyrsaň bu adalatsyz, bolanok,
ýalandan ýa çyn ýürekden gülerler,
soň sögerler eneň, ataňy goýman,
soň söýeglik adam tapman ölerler.