Esasy gep

Gep adamyň öň bir zaman,
KGB-den aýlyk alyp,
satanynda däl dostlaryn,
atanynda däl ilini
ýeňsesinden, bukup gelip,
şu gün näme edýäninde,
haçan ýa-da kimler bilen
nädip nirä gidýäninde,
itýäninde seni nirä,
itýäninde ilin nirä,
ýa-da nirde galanynda,
çykyp bilmän öz-özünden,
çürşüp galyp öz alynda,
bilmeýändir öýdüp kimse,
görmeýändir öýdüp kimse,
gep adamyň düýnünde däl,
şu gününde, baksaň siňe,
gidýäninde yza günde,
diýip dilde diňe öňe.