Düýp pelsepe
Sen adamy alla, hudaý,
dowzah bilen gorkuzmarsyň,
gorkuzmarsyň kanun bilen,
hatda berseň agyr jeza,
gorkan bolar adam göze,
il ýüzüne, edip emel,
hemem eder etjegini,
gider adam gitjegine,
gitmese-de haýra mydam,
ýetmese-de haýry mydam,
haýyrsyza gider, geler,
öwüner ol işi oňsa,
aman galsa terslik edip,
gije-gündiz içi güler,
a galmasa, aýby näme,
diýer, walla, hemme öler.