Ýalançylyk medeniýeti

Dogry sözli dostsuz bolsa milletde,
ýa-da ony her obadan kowsalar,
bu aňladýar dogry, düzüw adamlar
gerek däl diýmegi, birisi hatda,
dogry sözi aýtjak bolup kösenme,
ýalan sözle diýýär nakyly iliň,
il diýilýän bolsa, birleşse, bilse,
durarmyş öňünde dälibaş siliň,
diýmek, iller hakykata birleşip,
garşy durýar, goldaw berip ýalana,
iliň biri bolsaň, bolmasyn işiň,
ýeke çyksaň, töhmet atyp galana,
dogry sözli bolsaň, döwer ol dişiň.