Serpaý meselesi
Men size bahasyz serpaý ederin - Şalaryň elinden gelmejek serpaý. G.Ezizow
Aýyp görme adamlardan watançy,
adalatçy bolan bolup oýnaýan,
dymýan ogrybaşy tutanda seni,
zyndanyň düýbüne atanda seni,
ejeňi öldürse töhmetçi döwlet,
göwünlik üçin däl, gelýän begenip,
kakaň hassa bolsa, bilmedik bolýan,
ölende aglasaň, ses edip gülýän,
aýyp görme ildeş bolsa bihaýa,
garadonly etjek başarsa her gün,
garaşma ak ýa başgarak serpaýa.