Self-talk

Dik dur iki aýagyňda,
ylgajak bol, ýörejek bol,
her gün galdyr özüň ýerden,
her gün täze dörejek bol.

Ýok, zeýrenme, peýdasy ýok,
gahar etme, zyýan, belki;
gije, gündiz gezekleşer,
gezekleşer agy, gülki.

Hala arak, hala börek,
artyk bolsa, zäher bolar;
gaç gürrüňden, gep-gybatdan,
beter aşak salar olar.

Teşne içip, ganmaz mydam,
her aç doýmaz iýmek bilen;
görk eginden, emma her kes
gözel bolmaz geýmek bilen.

Öýke, kine eýikdirmez,
bir ýerlere urar hökman;
eger diýseň eglenmäýin,
git ýoluňa yza bakman...