Başga biri urulanda

Başga biri urulanda,
başga biri sögülende,
şyltak atylanda adama açyk,
ýa keýpine daşmy-kesek zyňylsa,
golaý gelmän, daşa gaçyp,
prokuror bolsa öňýeten asy,
biri-birin garalasa aljyran,
biri-birin iýýär diýip begenme,
sebäbi başgany sylap bilmedik,
sylamaýan ozal başda özüni,
güýji ýetse, ýesir edýän, öldürýän,
eli ýetse, urýan haýwan-ynsany,
seniňem üstüňe abanyp biler,
iki günlük dünýäň hany, soltany
bolan bolup bir gün jan alyp biler,
ýa bolmanda bardyr dogan-gardaşyň,
başga biri bogulanda begenme,
çekmese-de döwüleni göz-gaşyň.