Bir galamdaşa aýdylmadyk söz

Içip, çekse adam bolýan azajyk,
galan wagty azarlaýan, nalaýan;
özi öz-özüne dert bolan bende,
ýeri, näme ýazanda ne,
ýa hiňlenip haýsy heňe,
kime çukur gazanda ne,
özün itip jähenneme?

Pahyr adam şahyr bolmaz, ýasama,
gara güni üçin egilen boýny,
götertmez özüne ýük bolsa ynsan,
irmediňmi öň neşesin ýetirip,
gidensoň bir bes edeli bu oýny,
ýatan ýaly düşeginde, it urup...