Çörek nobatyndaky oýlanma

Ak sakgally goja ýalançy bolsa,
ak gyňaçly eje ýalançy bolsa,
ýa oýunjak bolsa hapa oýunda,
ulus iliň garşysyna oýnalýan,
gyzyl haly tans edene düşelse,
ýa düşelse bagşylara agysyn,
nalasyny basýan gyrylýan iliň,
näme aýdyp bolar gelejek hakda,
ýa-da geçmiş hakda, agzyň dolduryp,
ata-babaň bilen döşüňe urup,
ili ýa-da özüň nädip aldajak,
ertirden agşama nobata durup?..