Durmuş sapagy

Sen çagaňa ogurlygy öwretme,
öwretme ýalany, mekdebe baryp,
sorag berip bilmän gelmesin öýe,
sebäbi başgalar bermeýär diýip,
ýa-da diýip birden güler birleri,
ýa mugallym ýüzüm alar, gygyrar,
öwretme çagaňy meçjide baryp,
ynanmaýan hudaýyna uýmagy,
ýa ýalandan alla, hudaý diýmegi,
öwretme sen pursatparaz bolmagy,
para berip, ýokarlaryk galmagy,
ösmegi ýalana el berip mäkäm,
elin daňyp, il yrsgalyn almagy,
talamagy öweretme sen çagaňa,
çünki talaňçyny talarlar bir gün,
arkasy bolmasa Kreml ýaly,
ýa KGB mydam durmasa taýýar,
seret, näme boldy, kim nirde galdy,
ýa-da nämä batdy ol öňki haýýar?