Adam sapaklary

Biri eziz dogan diýip,
agam diýip, diýip inim,
dilini bal edip geçer daşyňa,
göz dikende egilmedik başyňa,
beýlekisi haýyn diýer yzyňdan,
bolsa, her gün awy gatar aşyňa,
tapan gepin ýa gybatyn ýaýradar,
gara başyň aman bolsa görersiň,
adam oglun päl-niýeti saýradar,
dogry, dymar akyllysy amatly,
has agyrtjak pursatyna garaşyp,
bäri-bärde, aňsat açmaz özüni,
haýsy gowy sapak berer, bilmersiň,
emma bilseň, açar bary gözüňi.