Milli aýratynlyk

Dialoga dini bolmaz türkmeniň,
imanyna garşy geler dialog,
monologdyr baş mezhebi men-meniň,
ne mantygy biler, ne-de sebäbi,
bütin millet guly bolsa sen-seniň,
men-menlige gurban bu janym, tenim,
ýa diýersiň diýenime "hä" mydam,
"sen-sen" diýip, aýdym aýdyp ýadaman,
galarsyň iki gün daşynda türmäň,
ýa-da baky gaçgak, ýurduňy görmän,
ölersiň ýat ilde, içiň armanly,
dirilikde ölmän, ýaşasaň janly.