Ýadymda

Aşgabat. Žitnikow köçesi. Türme.
O tarapda Swoboda köçesi,
bu tarapda Teke bazar, bolçulyk.
Aç hem suwsuz yssysynda tomusyň,
içiň azar, daşyň azar,
beton diwar, göýä mazar,
gysýar hemem gowurýar.
Düşünýärsiň doganyň ýok, dostuň ýok,
iň esasy, milletiň ýok ynanan...
Göz öňüňde generalyň ädigi,
jygyldaýan iki ýana ýörände,
egnindäki ýyldyzyna guwanan.
Eý, suw görkez ýokardaky mallara,
bir sakçy beýlekä berýär buýrugy.
Aşgabat, ýadymda ýesir günlerim,
hem general, bolşewigiň guýrugy.