Çydamsyz ýagdaý
Söýüň meni - ýürek söýgi küýseýär. G.Ezizow
Şahyr käte ejizleýär, aglaýar,
ýalbarýar ol, bir adama ýeterlik,
ýekeje adama ýeterlik söýgi,
diňe bir pursatlyk söýgi soraýar,
söýgi näme, sylag näme, bilmezden,
hemem diýýär kesä çekmäň sözümi,
hamala eşitjek ýa-da düşünjek,
ýa-da ahyr ile etjek serpaýyn,
gaty giç däl, biljek ozal ölmezden,
ili ýa-da bar ýalaky milleti,
bilen bolman diňe käte,
adam käte ejizleýär, aglaýar,
walla, ýogsa çydar nädip?