Adam bolmagyň syry

Adam bu gün dogup, ertir
adam bolup bilmeýär,
tanalmaýar içde, daşda,
ogry ýa-da dogry bolup,
ýa-da bolup aralykda,
ol öň, ilki ýörjen-ýörjen,
öwrenmeli ýöremegi,
ýykylmaly, dikelmeli,
oýnamaly aýakýalaň, çybyk at
ýa-da eşek, kürre münüp,
tigir sürüp ulalanda,
iň esasy öwrenmeli özüni,
özgeleri ýalňyşanda her gezek,
çürkenende çala ýa-da hiç haçan
ýadyndan çykmajak sapak alanda,
meger, adam adam bolýar özüni
tapsa hemem ýitirmese ýalanda.