Partiýa käýinji

Hökümet höküm et diýmek bolanda,
Gazak aga aýtmyşlaýyn, žurnalist,
üstesine komsomolyň agzasy,
otuzynjy ýyllar, syýasy işgär,
Daşhowuzda kolhozlara aýlanyp,
maşynly hem sapançaly jübüsi,
pagta ýygýan aýallary bir-birden,
gezmäge äkitse, barmak çommaldyp,
çydaman gazete makala ýazsaň,
çagyryp diýerler "Bilmeýärmidiň,
syýasy işgäre degmek bolmaýar?"
"Bilýärdim" diýersiň, "ýöne edýäni,
sygýarmy oň kanun, kada?"
Partiýa başlygy diýer gaharly:
"Seň işiň däl, haramzada!"