Soralmadyk sorag

Türmä öwrüp gül watany içinde,
goly bagly ýitenlermi gahryman?
Ýa olardan gara başyn gutaryp,
ýat illere gidenlermi gahryman?

Çagalaryn gulçulykdan gutaran,
gijelerin dik oturyp ötüren,
yzynda ejesi aglap ölenler,
yzynda kakasy aglap ölenler,
näme üçin aglamaly gazanlar
gazanyna düşen bolsa,
ýa ýakanlar ýaman ody,
ýakanyna bişen bolsa,
dogry, bardyr arasynda bigünä,
hemem çagasyna düşünse bolar,
türmede ýiteniň, kim bolsa bolsun,
ýöne olar aglapmydy başlanda,
haku-nähak türmeleri doldurmak,
belki, hapalary gorkuzmak üçin,
iň tämizi tapyp urmak?..

Dogry, aýdyp bolar pikiriň bolsa,
göwher bolsaň, göterenler tapylar,
gygyranyň peýdasy az, düşünseň,
bir boljak iş, açyk gapy ýapylar.