Adam we türme

Her kimiň türmesi özüne görä,
köşgünde ýa keppesinde, çadyrda,
ýa göwnüne, ýa ýürege görä bor,
daşy simli ýa-da simsiz türmesi,
käte gaty adalatsyz bolsa-da,
öldürse-de ýüzläp, müňläp adamy,
milletiň türmesi päline görä,
niýetine golaý, ýalňyşsam käşgä,
sebäbi birleri öler türmede,
beýlekiniň çagalary talanar,
döwlet äri, türme sakçysy üýşüp,
garalawçy, aklawçysy, bir süri,
namysyny depelärler milletiň,
her kimiň türmesi özüne görä,
siňegini gorap bilmese adam,
türmä salyp, salman, iýerler etin.