Ýeňşiň manysy

Hiç kes gülüp bilmez seniň üstüňden,
herne kemçiligiň bolsun, bolmasyn,
seniň özüň ýylgyrmasaň ýalan, çyn,
kim barmyşyn senden artyk, ýa bolsa,
ýa-da kemçiliksiz bilse özüni,
kemsidip, kiçeldip bilmezler seni,
geçmeseň sen hataryna, sanyna
kiçeltjegiň süri-süri elmydam,
belki, kiçi bolup ozal özleri,
wezipesi, işi bolsa-da näme,
äkidip bilmezler gitmejek ýerňe,
stalinler, leninler-de öň-soňky,
sürgün etseler-de Sibire, ýenä,
eger özüň özüň bolsaň, gul bolman,
galarsyň sen öleňde-de kiçelmän,
şol öňki ornuňda, bar bolsa ornuň,
saňa bagly ýeňmek ýa-da ýeňilmek,
ýeňilişi kabul etme hiç haçan,
ozaly ýeňişiň manysyn bilmän,
ýa ýeňiliş näme hakyky munda,
pikir etme ýeňen ýeňiji mydam,
ýa ýeňilen, il-ýurdundan aýrylyp,
seniň ýeňişiňi ogurlan bende,
öler her gün maýrylyp.