Ýeriňden turmasaň
Giden getirer, oturan nyrh sorar. Nakyl
Ýeriňden turmasaň, ýöräp bolmaýar,
ýa gitmeseň, getirmersiň geregiň,
üstüňe getirip bermezler ýa-da
getirilen zadyň bahasy gymmat,
üstesine gerek zatmy, gerek däl,
ýa-da satýan senden näme isleýär,
näme üçin gidýär malyň dawasy,
ýa dawasy adyň hemem şöhradyň,
näme üçin gidýär erkiň dawasy,
ýa nämüçin erkin ýitiren ölýär,
ýa ýaşaýar ýarym öli, çalajan,
güýçliniň gowusy bolmady, bolmaz,
garşylyk ýa talap bolmasa ýetik,
tagalla etmeseň, öňe gitmek däl,
diňe yzda bolýar ýitip.