Biri-birinden beter

Gahary-da gelýär adamyň, walla,
sebäbi ýaradan, ýa hudaý, alla,
özbaşyna goýýar adamy ýalňyz,
sowuk gyşyň, yssy tomsuň öňünde,
iň beteri gepe, gürrüňe düşmez,
peýdasyny bilmez, zyýanyn bilmez,
öz-özüne garşy gidýän mahluklar
sürüsini ýylba-ýyldan köpeldip,
ýalňyşmasam, ýaradanyň oýny bu,
elin işden sowadar ol okanyň,
düşünjek bolanyň çaşyrar başyn,
dokanyň başyna gowga getirer,
bizi, meger, hiç diktator almasa,
ondan-da ozduran nadan bitirer.