Duýduryş
It alnyna gelen gurt alnyna hem geler. Nakyl
O birine, gaty giden seniňçe,
ýa goşgujyk ýazyp, ýa-da makala,
ýüzükliniň gaharyny getiren,
atyp bolýan bolsa her hili töhmet,
adyny garalap, işin garalap,
hökümete ýa döwlete daýanyp,
basyp bolýan bolsa türmä adamy,
gös-görnetin, nähak, gözüne basyp,
men etdim diýdirip etmedik işin,
diňe özüniň däl, kim bolsa ýanda
ýa gözün gorkuzyp, ýa döwüp dişin,
hökümet bol ýa bolmagy arzuw et,
bolmasa-da ýüzügiň kän entejik,
döwüp bolýan wagty adamy nähak,
ne begen, ne heşelle kak daşyndan,
bu gün ýa-da ertir agşam, günortan,
ýa-da irden geler bary başyňdan.