Milli minnet

Geleňsiz ýaşaýyş, geleňsiz durmuş,
"boş ber" diýen bolup gürlese biri,
öz günüň geçýärkä gülmek, oýnamak,
ýa günüňi, özüň bilýäň, geçirmek,
başyň egip, kim-kimlere ýaranyp,
pikir etmän ertir, birigün hakda,
ýaşan bolmak ýüzüň açman, saranyp,
bu bir şahsy mesele däl artykmaç,
belki, milli betbagtlygy milletiň,
öz-özüni ýere sokýan, ýitirýän,
aşagyna salyp milli minnetiň.