Çalak-çulak adam

Eliň döwlüp, egri bitse,
diýer iller golak, golak!
Agsaklasaň, diýer agsak,
togsaklasaň, diýer togsak,
sakawlasaň, diýer sakaw,
makaw bolsaň, diýer makaw,
saçyň düşse, kel diýerler,
eşitmeseň, ker bolarsyň,
ýa görmeseň, kör bolarsyň,
ýa aýtmasaň görenleriň,
akyllydyr hemme senden,
biri akyl beren bolar,
beýlekisi gülümsirär,
käbirleri ýüzüň alar,
käbirleri yzdan salar,
daşmy, kesek, tapan zadyn,
eýsel bolar, beýle bolar,
ulaltjakdyr her kim adyn,
ulalmadyk samsyk, salak,
il şeýlemi, senem şeýle,
adam borsuň çalak-çulak.