Durmuş sapagy

Hiç kim bolmak üçin näme etmeli?
Iliň gidýän okuwyna gitmeli,
ýat tutmaly ýat tutmaly goşgyny,
iliň aýdýan aýdymyny aýtmaly,
gatnaşmaly iliň toýdur ýasyna,
çäresinden soňa goýup döwletiň,
geý diýlenin hiç çykarman geýmeli,
tapanyňy derman edip iýmeli,
iň esasy – sorag bermän oňaýsyz,
el çarpmaly bolsa taýyn bolmaly,
diriniň rolun oýnajak bolman,
öliň roluna gaýym bolmaly.