Ilkinji borç

Ata bolsaň, seniň ilkinji borjuň,
çagaňy goramak azan döwletden,
ene bolsaň, seniň ilkinji borjuň,
çagaňy goramak azan döwletden,
hökümetden höküm edýän bikanun,
är bolsaň, aýalyň goramalysyň,
aýal bolsaň, äriň goramalysyň,
aç polisden, agzy açyk köçede,
uçar menzilinde, otluda bolsun,
gämide ýa ýa awtobusda, takside,
salgytçydan, gümrükçiden, lukmandan,
ýa mekdepde sapak berýän pedagog,
alaryny bilse, allasyn bilmez,
goramaly özüňi sen ezseler,
goramaly mertebäňi, namysyň,
ak sakgalyň bolsa, sakgalyň düşäp,
ak gyňajyň bolsa, gyňajyň düşäp,
asfalt ýolda haly bolup azana,
para berip hajy bolýan musulman,
kim ol, näme, ýerde dowzah döreden,
goranmasaň, diri wagtyň ölersiň,
ýöne nädip, muny özüň bilersiň.