Obaly oglanlar

Obaly oglanlar obadan çykyp,
penjek geýip, geýip owadan köýnek,
galstuk-beýleki dakynyp käte,
ene dillerini çykaryp ýatdan,
başgalaryň dillerini öwrenip,
başgalaryň ýollaryny öwrenip,
hiläni öwrenip, öwrenip aly,
iň esasy – ýylgymany ýalandan,
hakykatda çykyp bilmän obada,
şol ozalky mönlüginde galanlar,
birden orta çykýar akylly bolup,
aýdanyn, diýenin diňleseň däli,
tentekmi diýdirýär, sebäbi uzak,
iki ädim atmän ýakynyny ýat,
dostlaryny duşman edýär keýpine,
açjak bolman açyp hakyky ýüzün,
obaly oglanlar syýasatçy däl,
gybatçylyk edip tanadýar özün.