Yglan edilmedik uruş

Durmuş agyr bolmaly däl aslynda,
bolmaly däl ezýet, ejir,
agraltmasa adamlaryň özleri,
biri-birin basyp, gysyp dar ýere,
nämemişin, kanun goraýarmyşyn,
biri başlyk, orunbasar beýleki,
bir topar bidöwlet döwlet başynda,
ogurlanyn alyp çykyp daşynda,
kanunly ýurtlaryň bankynda saklap,
aýdany, diýeni eder bet matlap...

Durmuş agyr bolmaly däl aslynda,
bolmaly däl alan-aldy, ogurlyk,
okuw okan ogurlygy öwrenip,
ähli döwlet edarasy eziji,
entediji bolmaly däl, dogrusy,
köp bolmasa iliň-günüň ogrusy,
ýalançysy eli işli, emelli,
goýmaz olar oturmaga ýurduňda,
işe gidip telli-pelli.