Biler diý

Bolmaz diýme, bolmaz diýme hiç haçan,
bolar, bolar, bolar, bolar, bolar diý!
Näsaglana öler diýme hiç haçan,
galar, galar, galar, galar, galar diý!

Bir basgançak, ýa-da ýarty her günde,
ertir iki, üçe ýeter, dört bolar,
birigün bäş, on basgançak galarsyň,
bolmaz diýme, bolmaz diýme hiç haçan,
ýuwaş-ýuwaş ýüz basgançak alarsyň.

Biri ýolda, biri ýoluň başynda,
gidenlere gelmez diýme hiç haçan,
geler, geler, geler, geler, geler diý,
millet bilmez aldanyn, talaňyn,
bilmez diýme, gülmez diýme hiç haçan,
biler, güler, biler, güler, biler diý!