Ýat ilde çöregini goýanyň soragy

Konýagy goýmagy başarar adam,
başarar ol ýagly kakmaç goýmagy,
iýmegini bagyr-öýken kämahal,
buglamagy böwrek, söwrek;
aragy goýmagy başarar adam,
böregi goýmagy başarar adam,
çöregi goýmagy başarar adam
ýöne garyp ösen, çül-çaga bilen,
tamdyr çörek iýip on ýedi ýyllap,
hatda palaw iýeninde soňundan,
iki dişlem çörek iýmän oňmadyk,
iküç ýyllap iýmese-de hiç çörek,
çörek ysyn alsa, garanar daşyn,
ýurt ysyny alan ýaly uzakdan,
bagyrasy geler dökmän gözýaşyn,
onuň nirden, nädip gelenin bilmän,
aragyn, böregin goýsa-da adam,
çörek goýup, näçe ýaşarka ölmän?