Ýazyp nätjek?

Seniň kitabyňy okamaz kimse,
okamaz goşgyňy, kyssaňy iliň,
bagtly bolsa, jaýy bolsa üstünde,
aýlygy az, ýöne gazy mugt bolsa,
çyrasyny ýaksa öçürmän, çünki
gara köpük bolsa tölegi, muzdy,
ýa bolmasa jaýy, tünegi asla,
ýa tünegi bolup, işi bolmasa,
ýa-da işi bolup, aýlyk almasa,
günde içjek çaýy hyllalla bolsa,
ol kitaby näme etsin,
näme estin goşgyňy ýa kyssaňy,
seniň kitabyňy okamaz kimse,
ýazyp nätjek, aýdyp nätjek gussaňy?