Lenin problemasy

Lenin arzanlapdyr antik dükanda,
hyrydar tapylman dursa-da ýyllap,
emma ýene soraýan ýok, gelýän ýok,
sebäbi kim, näme etdi bilýän ýok,
ýa bilýänler oňlamaýar o diýen
adamlary serçe ýaly gyrmagy,
a galanyň depesinden urmagy,
sallançakdan tabyda çen gorkuzyp,
beýnisini açmaz ýaly gurmagy,
meger, şonuň üçin satjak satyjy
ýüzün köçä öwrüp goýupdyr ony,
görsünler, alsynlar geçýänler diýip,
emma iliň oňa eli degmeýär,
sebäbi wirusdan aljyran millet,
ozal halys boldy kiçijik Lenin
ýa Stalin sürüsinden köpelen,
olar galsa hem saklasa kürsüsin,
ýaşan däl-de, boljak ýaly köp ölen.