Ajy hakykat

O döwlet seň ejeň üçin
ýürek agyrysy bolsa,
o döwlet seň kakaň üçin
bagyr agyrysy bolsa,
KGB-si terrorbaşy,
DIM-i bolsa garalawçy,
IIM-i bolsa doganlaryň,
dolananyň tutýan, basýan,
ýa-da ýolda ýolukdyrýan
ajalyna hudaýdan däl,
adamlardan gelen nähak,
o döwlet seň döwletiň däl,
döwleti däl çagalaryň,
goý köplüge söýse ony,
telpek edip geýse ony,
ýa-da iýse mugt duzuny,
mugt gazyny ýakyp, derläp,
mugt suwunda suwa düşsün,
mugt çyrasyn öçürmän hiç,
o döwlet seň döwletiň däl,
düşünersiň ir ýa-da giç.