Paralleller

Paralleller kesişmeýär hiç haçan! G.Ezizow

Paralleller kesişmeýär hiç haçan,
sebäp biri beýlekiden gowy däl,
ýa erbet däl eýlekiden beýleki,
o biriniň ýerin alyp beýlekä,
beýlekiniň ýerin alyp eýlekä
berseň ýene şol bir ýoldan gitjekler,
eli ýeten towuklaryn ütjekler,
özlerine ýok diýeni tutjaklar,
atjaklar zyndana garalap gowy,
galawçyň ýetjek murtunyň towy,
aklawçy eklenjek özüni bogup,
paralleller kesişmeýär hiç haçan,
duranlar tutular, gutulmaz gaçan.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2024